स्वास्थ्य सेवा में योगदान खातिर नेपाल पुलिस से प्रभु अस्पताल सम्मानित

बीरगंज, पर्सा : स्वास्थ्य सेवा में सहयोग आ समर्थन के क्षेत्र में योगदान के सराहना करत, 71वां पुलिस दिवस 2083 के अवसर पर बीरगंज के प्रभु हॉस्पिटल एवं रिसर्च सेंटर के प्रशंसा पत्र देके सम्मानित कइल गइल बा।

नेपाल पुलिस प्रदेश कार्यालय, बीरगंज आ जिला पुलिस कार्यालय, पर्सा के ओर से आयोजित 71वां पुलिस दिवस कार्यक्रम के दौरान स्वास्थ्य सेवा के माध्यम से सहयोग आ सहकार्य के सम्मान में प्रभु अस्पताल के प्रशंसा पत्र प्रदान कइल गइल।

कार्यक्रम में प्रभु अस्पताल के निदेशक डा॰ लक्ष्मी थापा गुप्ता, निदेशक डा॰ मनोज कुमार गुप्ता आ अस्पताल प्रशासनिक प्रमुख दिलीप राज कार्की शामिल भइलन।

ई कार्यक्रम पर्सा के बीरगंज स्थित नेपाल पुलिस प्रदेश कार्यालय परिसर में “आपदा में साथी, संकट में सहारा : नेपाल पुलिस सेवा खातिर प्रतिबद्ध” नारा के साथे आयोजित कइल गइल।

स्वास्थ्य सेवा आ सामाजिक जिम्मेदारी के प्राथमिकता देबे वाला प्रभु अस्पताल के कहना बा कि एह मान्यता से संस्थान आवे वाला दिनन में अधिका समर्पण आ जिम्मेदारी का साथे समुदाय आ नागरिकन के सेवा जारी राखे खातिर अउरी प्रेरित भइल बा.