स्वास्थ्य सेवामा योगदानका लागि नेपाल प्रहरीबाट प्रभु अस्पताल सम्मानित
वीरगन्ज, पर्सा : स्वास्थ्य सेवासम्बन्धी सहकार्य र सहयोगमा गरेको योगदानको कदर गर्दै वीरगन्जस्थित प्रभु हस्पिटल एण्ड रिसर्च सेन्टरलाई ७१ औं प्रहरी दिवस, २०८३ को अवसरमा प्रशंसापत्र प्रदान गरिएको छ ।
नेपाल प्रहरी प्रदेश कार्यालय वीरगन्ज र जिल्ला प्रहरी कार्यालय पर्साको संयुक्त आयोजनामा आयोजित ७१औँ प्रहरी दिवसको अवसरमा स्वास्थ्य सेवामार्फत सहयोग र सहकार्यको कदर गर्दै प्रभु अस्पताललाई सम्मानपत्र प्रदान गरिएको हो ।
कार्यक्रममा प्रभु अस्पतालका निर्देशक डा. लक्ष्मी थापा गुप्ता, निर्देशक डा. मनोज कुमार गुप्ता, अस्पतालका प्रशासनिक प्रमुख दिलीपराज कार्की लगायतको उपस्थिति रहेको थियो ।
कार्यक्रम पर्सा, वीरगन्जस्थित नेपाल प्रहरी प्रदेश कार्यालयको परिसरमा “विपद्मा साथी, संकटमा सहारा : नेपाल प्रहरी सेवाप्रति प्रतिबद्ध” भन्ने नाराका साथ सम्पन्न भएको थियो ।
स्वास्थ्य सेवा र सामाजिक उत्तरदायित्वलाई प्राथमिकता दिने प्रभु अस्पतालले यो सम्मानले आगामी दिनमा पनि अझ बढी समर्पण र जिम्मेवारीका साथ समुदाय र नागरिकको सेवालाई निरन्तरता दिन थप उत्प्रेरित गरेको जनाएको छ ।
